اسلام آباد (مانیٹرنگ ڈیسک)سکولز، تعلیمی اداروں میں صرف 6دن کے دوران 44کیسز رپورٹ ہوئے جبکہ کچھ اسکولز کو بند کیا جا چکا ہے ۔ تاہم حکومت کا سکولز اور کالجز دوبارہ بند نہ کرنے پر اتفاق کیا ہے سکول یا کالج میں کم ازکم دو کیسز بنچ مارک قرار دئے،

دوکرونا کیسز سامنے آنے کی صورت میں ادارہ بند کر دیا جائے گا ۔30 ستمبر سے پلان کے مطابق پرائمری کلاسز بھی کھولیں جائیں گی ۔ این سی او سی کے اجلاس میں کورونا کیسز کے حوالے سے فیصلہ کیا گیا ہے۔دوسری جانب نجی تعلیمی اداروں میں ایس اوپیز پر عملدرآمد کے باوجود کرونا اپنا اثر دکھانے لگا ، 6دنوں میں کرونا متاثرین کی تعداد 44ہو گئی ۔ نجی ٹی وی رپورٹ کے مطابق حکومت کی جانب سےتعلیمی اداروں میں سیمپلنگ کاعمل جاری ۔ تفصیلات کے مطابق لاہورکےمزید 2 طالبعلم کورونا وائرس کا شکار ہوگئے ، پنجاب کےتعلیمی اداروں میں مزید 3طالبعلموں میں کورونا کی تصدیق ہوگئی، 6روزکےدوران تعلیمی اداروں میں کوروناکاشکارطالبعلموں کی تعداد44ہوگئی ہے۔ حکومت کی جانب سےتعلیمی اداروں میں سیمپلنگ کاعمل جاری ہے۔