اسلام آباد(مانیٹرنگ ڈیسک) وفاقی وزیر سائنس اینڈ ٹیکنالوجی فواد چودھری نے سماجی رابطے کی ویب سائٹ ٹوئٹر پر اپنے ٹوئٹ میں کہا کہ ابو بچاؤ مہم کی اور قسط فلاپ، میڈیا کی آزادی کا اس سے بڑھ کر کیا ثبوت ہو گا کہ نواز شریف کی تقریر

براہ راست دکھائی گئی، کہتے ہیں 33 سال ملک میں آمریت رہی لیکن انہوں نے یہ نہیں بتایا کہ ان سالوں میں پندرہ سال وہ خود اس سسٹم کا حصہ رہے اور کٹھ پتلی کے طور پر خدمات سرانجام دیں۔ اس طرح وفاقی وزیر نے یہ ثابت کرنے کی کوشش کی کہ میاں نواز شریف کی تقریر کا مرکزی نکتہ یہ ہے کہ اگر میں حکومت میں ہوں تو سب ٹھیک ہے لیکن اگر فوج مجھے لانے کے لئے فوج کردار ادا نہیں کرتی تو وہ ناقابل قبول ہے۔ انہوں نے کہا کہ نواز شریف کا فوج اور عدلیہ سے گلہ صرف یہ ہے کہ جب عمران خان اور عوام نے مجھے نکالا تو آپ میرے ساتھ کیوں نہیں کھڑے ہوئے۔

موضوعات:فواد چودھری نے نواز شریف کی تقریر کا مرکزی نکتہ بتا دیا