لاہور (مانیٹرنگ ڈیسک) پنجاب کے وزیر اطلاعات فیاض الحسن چوہان نے میڈیا سے بات چیت کرتے ہوئے کہا کہ ہمیں معلوم ہے کہ موٹر وے سانحہ کا مرکزی ملزم کہاں پر موجود ہے، عابد علی کو ایک دو روز میں گرفتار کر لیں گے۔ انہوں نے کہاکہ متاثرہ خاتون ڈسٹرب تھی اس لئے تفتیش میں حصہ نہیں لیا۔ واقعہ کے بعد 72 گھنٹے میں پولیس نے موثر کارروائی کی ہے، فیاض الحسن چوہان نے

ملزم عابد علی کو پیغام دیتے ہوئے کہا کہ تمہارے لئے بہتر یہی ہے کہ تم خود گرفتاری دے دو۔ تم بھاگ نہیں سکتے، پاسپورٹ تمہارا نہیں بنا ہوا، مجھے پتہ ہے میں اس وقت ایکسپوز نہیں کرنا چاہتا کہ وہ کس ڈسٹرکٹ میں ہے۔ پولیس انشاء اللہ تمہیں ڈھونڈ لے گی، تمہاری بہتری اسی میں ہے کہ تم گرفتاری دے دو۔ انہوں نے دعویٰ کرتے ہوئے کہاکہ انشاء اللہ ایک آدھ دن میں وہ گرفتار ہوجائے گا۔