اسلام آباد (این این آئی) قومی اسمبلی میں تحریک انصاف کے رکن اسمبلی ڈاکٹر عامر لیاقت ایم این اے عطاء اللہ پر لپک پڑے، حکومتی اراکین نے بچ بچاؤ کرایا۔ پیر کو قومی اسمبلی اجلاس میں سانحہ موٹر وے پر بحث کا آغازہوا تو کراچی سے رکن عامر لیاقت کا شور شرابہ کیااور
کہاکہکراچی میں بچی کی آبرو ریزی کی گئی اس پر بھی بحث کی جائے اسد قیصر نے کہاکہ دونوں معاملات پر مشترکہ بحث کر لیں۔ اجلاس کے دوران ڈاکٹر عامر لیاقت اپنی نشست سے اٹھ کر دوسرے ایم این اے عطا اللہ پر لپک پڑے،حکومتی ارکان نے بیچ بچاؤ کرا دیا۔ عامر لیاقت نے کہاکہ عطا اللہ مجھے گالیاں دے رہا ہے۔ سپیکر نے عامر لیاقت کو اپنی نشست پر جانے کی ہدایت کرتے ہوئے کہاکہ ڈاکٹر عامر لیاقت اپنی سیٹ پر بیٹھ جائیں ورنہ مجھے طریقہ آتا ہے۔ مراد سعید کے خطاب کے دوران لقمہ دینے پر اسپیکر نے نون لیگی رکن کو وارننگ دی۔ سجاد اعوان نے مراد سعید کے خطاب کے دور ان مداخلت کی اور کہاکہ کچھ سی سی پی او کے بارے میں بھی بتائیں۔ اسد قیصر نے کہاکہ میں آپ کو وارننگ دیتا ہوں خاموش رہیں۔
