سرگودھا(این این آئی)سرگودھا میانوالی روڈ کے قصبہ قائدآبادکے نواح میں 70سالہ بیوہ خاتون کی اوباش نوجوان نے بے آبرو کی اور وحشیانہ زد و کوب کیا، ملزم نے ستر سالہ خاتون کی ٹانگیں اور بازو بھی توڑ دیے، ملزم کو گرفتار کر کے پولیس

نے تفتیش شروع کر دی۔ذرائع کے مطابق قصبہ قائد آباد کے گاوں جھجھہ میں ستر سالہ بیوہ خاتون مہراں بی بی اپنے گھر میں اکیلی تھی کہ محلہ کے بائیس سالہ نوجوان احمد دین نے رات کی تاریکی میں گھر داخل ہو کر بیوہ خاتون کو وحشیانہ زد و کوب کیا اور جسم کو کٹ لگائے اور ٹانگیں بازو توڑ دیئے اور زبردستی اسے بے آبرو کی اور گھر سے بیوہ خاتون کی جمع پونجی پندرہ ہزار روپے لوٹ کر فرار ہوگیا۔اطلاع ملنے پر متاثرہ خاتون کو ہسپتال منتقل کر دیا گیا اطلاع ملتے ہی ڈی پی او خوشاب کیپٹن (ر)طارق ولایت نے ٹی ایچ کیو پہنچ کر زخمی خاتون کی عیادت کی اور جائے واردات کا معائنہ کرتے ہوئے پولیس کو ملزم کی فوری گرفتاری کا حکم دیا۔اس حوالہ سے ڈی پی او خوشاب نے تھانہ قائدآباد میں گفتگو کرتے ہوئے بتایا کہ ملزم کو واردات کے ڈیڑھ گھنٹہ بعد پولیس نے گرفتار کر لیا ملزم کے خلاف سخت کاروائی عمل میں لائی جائے گی اور پولیس ملزم کو کیفر کردار تک پہنچانے میں اپنا بھرپور کردار ادا کرے گی ۔

موضوعات:بیوہ خاتون کے ساتھ سانحہ موٹر وے جیسا واقعہ