لاڑکانہ (آن لائن) دریائے سندھ میں بڑے سیلاب کا خطرہ، 5 لاکھ کیوسک سے زائد کا پانی آنے کے امکانات، محکمہ آبپاشی کی جانب سے کمیٹی قائم، سیلاب سے عوام کو بچانے کیلئے اقدامات۔ تفصیلات کے مطابق ہفتہ کے روز دریائے سندھ پر قائم گڈو بیراج پر پانی کا بہاؤ چار

لاکھ اٹھائیس ہزار دو سو گیارہ کیوسک نچلی سطح پر چار لاکھ اکیس ہزار آٹھ سو تینتیس کیوسک ریکارڈ کیا گیا ہے، جبکہ سکھر بیراج پر اوپر چار لاکھ اٹھ ہتر ہزار سات سو پندرہ کیوسک ریکارڈ کیا گیا ہے، جبکہ سکھر کواہ گڈو بیراج پر نچلی سطح کا سیلاب برقرار ہے، حکومت کی جانب سے گڈو اور سکھر پر 8 ستمبر تک بڑے سیلاب کی ہائی الرٹ جاری کردی گئی ہے، جو پانچ لاکھ کیوسک سیلاب کے امکانات بتائے جارہے ہیں، 8 سے 9 ستمبر تک گڈو بیراج اور 9 سے 10 ستمبر تک سکھر بیراج پر بڑے درجے کے سیلاب کے امکانات ظاہر کیے جارہے ہیں، دوسری جانب اوپر سے تیزی کے ساتھ ریلوں کے آنے کا سلسلہ جاری و ساری ہے، اور دونوں بیراجوں پر پانچ لاکھ سے زائد کیوسک پانی کے بہاؤ کے امکانات ہیں۔ ادھر گڈو بیراج پر پانی کے بہاؤ میں مسلسل بڑھاؤ ہے، جس کے نتیجے میں کئی گاؤں اور دیہات پانی کی زد میں آگئے ہیں متاثرین کی وفاق صوبہ کی جانب سے کسی اقسام کی مدد و تحفظات کیلئے اقدامات نہیں اٹھائے گئے ہیں۔ محکمہ آبپاشی سندھ کی طرف سے بندوں کے بچاؤ کیلئے ایک کمیٹی تشکیل دی گئی ہے، جو متاثرہ علاقوں میں جاکر لوگوں کی مدد کرے گی اور نقصانات کا تخمینہ لگاکر ان کو سہولیات سے فراہم کرے گی۔