کراچی (آن لائن)قومی اسمبلی میں اپوزیشن لیڈر اور مسلم لیگ (ن) کے صدر میاں شہبازشریف نے کہا ہے کہ وفاق نے کراچی کے لیے اربوں روپے دینے کا وعدہ کیا تھا وہ فنڈز کہاں ہیں؟ وفاق نے وعدے کے مطابق فنڈز مہیا کیے ہوتے تو آج یہ دن نہ دیکھنا پڑتا، وفاقی حکومت کراچی میں بارشوں سے تباہ کاریوں پر سیاست کررہی ہے، کراچی ایئرپورٹ پر میڈیا سے گفتگو کرتے ہوئے شہباز شریف نے کہا کہ
کراچی پانی میں ڈوبا ہوا ہے اس وقت سیاست نہیں کرنی ہے، یہ وقت مخالفت برائے مخالفت کا نہیں ہے، جن کے گھر، فصلیں اور مال مویشی تباہ و برباد ہوئے انہیں معاوضہ دیا جائے، امیر و غریب سب ہی سیلاب کی تباہ کاری سے پریشان ہیں۔ان کا کہنا تھا کہ وفاق نے کراچی کے لیے اربوں روپے دینے کا وعدہ کیا تھا وہ فنڈز کہاں ہیں؟ وفاق نے وعدے کے مطابق فنڈز مہیا کیے ہوتے اور سیاست نا کی ہوتی تو آج یہ دن نا دیکھنا پڑتا، وفاق نے سندھ حکومت کے ساتھ ملکر کام کیا ہوتا تو یہ حالت نا ہوتی۔شہباز شریف نے دعویٰ کیا کہ کراچی کو ابھی تک جتنا بنایا (ن) لیگ نے بنایا، میگا پروجیکٹ شہر میں (ن) لیگ کی جانب سے شروع کیے گیے اور ابھی تک ایسے بہت سارے منصوبے ہیں جنہیں نواز شریف نے شروع کیا۔ اس سے قبل شہباز شریف ایک روزہ دورے پر کراچی پہنچے۔مریم اورنگزیب اوراحسن اقبال بھی ان۔کے ہمراہ تھے جبکہ اپوزیشن لیڈر نے ائیرپورٹ لاؤنج میں پارٹی رہنماؤں سے ملاقات بھی کی۔ قومی اسمبلی میں اپوزیشن لیڈر اور مسلم لیگ (ن) کے صدر میاں شہبازشریف نے کہا ہے کہ وفاق نے کراچی کے لیے اربوں روپے دینے کا وعدہ کیا تھا وہ فنڈز کہاں ہیں؟ وفاق نے وعدے کے مطابق فنڈز مہیا کیے ہوتے تو آج یہ دن نہ دیکھنا پڑتا، وفاقی حکومت کراچی میں بارشوں سے تباہ کاریوں پر سیاست کررہی ہے، کراچی ایئرپورٹ پر میڈیا سے گفتگو کرتے ہوئے شہباز شریف نے کہا کہ کراچی پانی میں ڈوبا ہوا ہے اس وقت سیاست نہیں کرنی ہے
