اسلام آباد (مانیٹرنگ ڈیسک) وزیراعلیٰ پنجاب عثمان بزدار لائسنس کیس میں نیب کو اب تک سوالوں کے جواب نہیں د ے سکے، نیب کی جانب سے دیے گئے سوالنامے کا اب تک وہ جواب جمع نہیں کرا سکے ہیں، ایک نجی ٹی وی چینل نے نیب ذرائع کے حوالے سے بتایا کہ نیب نے وزیراعلیٰ پنجاب سردار عثمان بزدار کو لائسنس کیس میں سوالنامے جمع نہ
کروانے پر تحریری طور پر ریمائنڈر بھیجنے کا فیصلہ کیا ہے۔ نیب نے پچیس سوالات پر مشتمل ایک سوالنامہ وزیراعلیٰ پنجاب عثمان بزدار کو دیا تھا اس کے علاوہ نیب نے انہیں جائیدادوں سے متعلق بھی 12 صفحات پر مشتمل پرفارما دیا تھا۔ نیب ذرائع کے مطابق اب تک عثمان بزدار نے پرفارما کے مطابق کوئی بھی جواب جمع نہیں کرایا ہے۔
