اسلام آباد(مانیٹرنگ ڈیسک)وزیراعظم کی اپنے آفس میں پاک انگلینڈ تیسرا ٹیسٹ میچ دیکھنے کی تصویر سوشل میڈیاپر وائرل، تفصیلات کے مطابق وزیراعظم عمران خان نے مصروفیت کے باوجود پاکستان اور انگلینڈ کا تیسرا ٹیسٹ میچ دیکھا، تصویر میں دیکھا جا سکتا ہے کہ وزیراعظم عمران خان اپنے آفس میں میٹنگ کے دوران ٹی وی پر میچ دیکھ رہے ہیں۔
اس تصویر میں ملاقات کے دوران بیٹھے دیگر لوگوں کو بھی دیکھا جا سکتا ہے جن سے ملاقات کے ساتھ وزیراعظم میچ بھی دیکھ رہے ہیں۔کھیلوں کے برطانوی چینل سکائی سپورٹس نے اس تصویر کو ٹوئٹر پر شیئر کیا جس پر سوشل میڈیا صارفین نے دلچسپ تبصرے کئے۔سوشل میڈیا صارفین کا کہنا تھا کہ اس سے اندازہ ہوتا ہے کہ وزیراعظم عمران خان کی نظر میں ٹیسٹ کرکٹ کی کتنی اہمیت ہے، حالانکہ اسکی جگہ ون ڈے اور ٹی 20 تیزی سے لیتی جارہی ہے۔ ایک سوشل میڈیا صارف نے لکھا کہ وزیراعظم عمران خان نے کرکٹ کو نظرانداز نہیں کیا بلکہ خاموشی سے دیکھ رہے ہیں اور ٹیم کی کارکردگی کا جائزہ لے رہے ہیں۔ایک سوشل میڈیا صارف نے کہا کہ آپ عمران خان کوکرکٹ سے دور کرسکتے ہیں لیکن کرکٹ کو عمران خان سے دور نہیں کرسکتے جیسے آپ عمران خان کو پاکستان سے نکال سکتے ہیں لیکن عمران خان کے اندر سے پاکستان نہیں نکال سکتے۔یاد رہے کہ پاک انگلینڈ تیسرا ٹیسٹ میچ ڈرا ہوگیا تھا ، انگلینڈ نے سیریز 1-0سے جیت لی ۔
Never let ANYONE tell you they’re too busy to keep an eye on the cricket… @ImranKhanPTI #ENGvPAK ?? pic.twitter.com/8eHkxfkXUe
— Sky Sports Cricket (@SkyCricket) August 24, 2020
