اسلام آباد(مانیٹرنگ ڈیسک) بارشوں کے بعدبی آر ٹی سٹیشنز کی چھتیں ٹپکنے لگیں اور سیلنگ سے پانی انتظار گاہ میں آ گیا۔نجی ٹی وی کے مطابق بارش کے باعث حیات آباد بی آر ٹی سٹیشن کے اطراف میں روڈ پر پانی جمع ہے جب کہ بی آر ٹی کے مختلف سٹاپس پر پانی سٹیشنز کے اندر داخل ہوگیا ہے۔سٹاف کی جانب سے صفائی کا عمل شروع کردیا گیا ہے۔یاد رہے کہ چند روز قبل ہی وزیراعظم عمران خان نے بی آر ٹی پشاور

کا افتتاح کیا تھا۔ پچھلے ہفتے ہی بی آر ٹی بس کو حادثے کے نتیجے میں 3 افراد زخمی ہوگئے تھے۔ بس کو نشتر آباد کے قریب حادثہ پیش آیا اور بس بے قابو ہوکر برج کی دیوار سے ٹکرا گئی جس کی وجہ سے روٹ بند ہوگیا اور حادثے میں 3 افراد خمی ہوگئے۔حادثے میں ہونے والے زخمیوں کو طبی امداد کے لئے قریبی ہسپتال منتقل کردیا گیا ۔ بس میں سوار مسافروں نے احتجاج کرتے ہوئے انتظامیہ سے کرایہ واپس کرنے کا مطالبہ کیا ۔