لاہور (آن لائن) پاکستان مسلم لیگ ن کے ناراض رکن پنجاب اسمبلی اشرف انصاری نے گزشتہ روز وزیراعلیٰ پنجاب سردار عثمان بزدار سے ملاقات کی۔ جس میں سیاسی صورتحال سمیت صوبے میں امن و امان کی صورتحال پر تبادلہ خیال کیا گیا۔ ذرائع کے مطابق ن لیگی کے باغی رکن اسمبلی اشرف انصاری نے وزیراعلیٰ پنجاب کو یقین دہانی کروائی کے
آئندہ ایک ہفتے میں پاکستان مسلم لیگ (ن) کے مزید اراکین پنجاب اسمبلی ان کے ہمراہ وزیراعلیٰ سے ملاقات کریں گے۔ ملاقات میں اشرف انصاری نے اپنے مکمل تعاون اور وفاداری کی یقین دہانی کرواتے ہوئے۔ اپنے انتخابی حلقہ گوجرانوالا میں درپیش مسائل سے آگاہ کیا۔ جس پر وزیراعلیٰ نے اشرف انصاری کو یقین دہانی کروائی کے وہ فیصل آباد کے دورہ پر واپسی پر گوجرانوالہ کا بھی دورہ کریں گے۔
