اسلام آباد (مانیٹرنگ ڈیسک)وفاقی وزیر سائنس اینڈ ٹیکنالوجی فواد چوہدری نے کہا ہے کہ کابینہ نے نئے اسٹنڈرڈز کی منظوری دی ہے۔ اپنے بیان میں فواد چوہدری نے کہاکہ دس سال کے بعد پی ایس کیو سی اے کی لازمی لسٹ میں 61 آئٹمز کا اضافہ ہوا، پاکستان اب الیکٹرونکس کا کباڑ خانہ نہیں رہیگا۔
وفاقی وزیر نے ٹویٹر پیغام میں لکھا کہ ’’پاکستان میں بننے والی گاڑیوں کے اسٹینڈرڈز طے کر کئے ہیں ایک ماہ کے اندر ابتدائ اسٹنڈرڈز کابینہ کی منظوری کیلئے پیش کر دیں گے، میرے اندازے سے بہت مشکل کام تھا بہت رکاوٹیں ڈالی گئیں لیکن میں جو ٹھان لیتا ہوں کر کے رہتا ہوں‘‘فواد چوہدری نے کہاکہ صرف کوالٹی پروڈکٹس پاکستان میں برآمد اور مینو فیکچر ہو سکیں گی، یہ سنگ میل حماد اظہر اور عبدالرزاق داود کے بھرپور تعاون سے ممکن ہوا۔فواد چوہدری کے ایک چاہنے والے نے لکھا کہ چوہدری صاحب! باقی تو آپ نے کافی اچھے اقدامات اٹھائے مختلف ٹیکنالوجیز میں لیکن پاکستان میں کار مافیا 10-15 لاکھ میں ٹین ڈبہ ہی تیار کرکے دیتا ہے،ان کا کہنا تھا کہ اس معاملے میں چائنا کی خدمات کیوں حاصل نہیں کی جاتیں جبکہ مناسب قیمت فائٹر جیٹ میں بھی ہمیں چائنا تیار کر کے دے رہا ہے۔
