پشاور(این این آئی)بس ریپڈ ٹرانزٹ (بی آر ٹی) منصوبے کے فیڈر روٹس بھی فعال کر دیے گئے۔ترجمان بی آر ٹی عالمگیر بنگش کے مطابق فیڈرز روٹس پر بس سروس کا آغاز (آج)پیر سے کیا جائے گا۔انہوں نے بتایا کہ بی آر ٹی بس اسٹیشن تک مسافروں کے لیے حیات آباد میں فیڈر روٹ کھول دیا گیا ہے، اب 12 میٹر چھوٹی بس کی مدد سے سواریوں کو مین اسٹیشن تک پہنچایا جائیگا۔ترجمان بی آر ٹی کے

مطابق ہر 5 منٹ بعد فیڈر روٹ پر بس چلائی جائے گی، 25 بسیں حیات آباد کے رہائشیوں کو مختلف فیزز سے اسٹیشنز تک پہنچائیں گی۔عالمگیر بنگش کے مطابق دور دراز سے اسٹیشن تک آنے والوں کی مشکل اب حل ہو جائے گی، شہر کے باقی فیڈر روٹس بھی جلد بحال ہو رہے ہیں۔انہوںنے کہاکہ دیگر علاقوں میں بھی بہت جلد فیڈر روٹ بس کا آغاز کر دیا جائے گا۔