اسلام آباد (مانیٹرنگ ڈیسک) وزیراعلیٰ پنجاب عثمان بزدار بچ نہیں سکتے، افسران وعدہ معاف گواہ بنیں گے، اس بات کا دعویٰ معروف تجزیہ کار مبشر لقمان نے کیا، انہوں کہاکہ عثمان بزدار کی ذات پر بہت سوالیہ نشان ہیں، وہ ڈیلیور بھی نہیں کر رہے جو کررہے ہیں وہ بھی ایسے ہی ہے،مبشر لقمان نے کہاکہ انہیں استعفیٰ دینا چاہیے تھا لیکن عثمان بزدار نے سارا الزام اپنے ڈی جی ایکسائز پر ڈال دیا ہے۔
بیوروکریسی اچھی بری نہیں ہوتی، بیوروکریسی اتنی اچھی ہوتی ہے جتنے اچھے آپ ہیں۔مبشر لقمان نے کہا کہ اب نیب سیکرٹری کو بلا لے گی اس سے باقی کام بھی رک جائیں گے۔ اپنی بیوروکریسی کیلئے شہباز شریف اور پرویز الٰہی نے اسٹینڈ لیا، اس سے عمل سے عزت بڑھتی ہے۔انہوں نے کہاکہ آنے والے دنوں میں افسران احکامات ماننے سے انکار کرسکتے ہیں،عثمان بزدار بچ نہیں سکتے کیونکہ عثمان بزدار ایسی چیزیں لکھ کر نہیں بلکہ احکامات دیتے ہیں۔واضح رہے کہ وزیراعلیٰ پنجاب عثمان بزدار کا نیب نے ایک نیا کھاتہ کھول لیا۔ قومی احتساب بیورو نے وزیراعلی پنجاب عثمان بزدار کے دور میں دئیے جانے والے تمام ٹھیکوں کی تحقیقات شروع کر دی ہیں۔ ذرائع کے مطابق اس سلسلے میں نیب نے ایل ڈی اے، ٹیپا اور دیگر اداروں سے ریکارڈ طلب کر لیاہے۔ قومی احتساب بیورو نے اہم ترقیاتی منصوبوں میں ٹھیکے دینے کا ریکارڈ بھی طلب کیا ہے۔ یاد رہے کہ نیب پہلے ہی غیر قانونی لائسنس جاری کرنے پر وزیر اعلیٰ عثمان بزدار کیخلاف تحقیقات کررہاہے۔معروف صحافی انصار عباسی کا اپنی رپورٹ میں کہناتھا کہ نیب لاہور وزیراعلیٰ پنجاب کے خلاف ان انکوائریز کی تصدیق کے مرحلے سے بھی گزر رہا ہے جن کے مطابق انہوں نے منتخب افراد کو سرکاری ٹھیکے مہنگے نرخوں میں دیے ہیں۔ نیب کے پاس اب تک کوئی ٹھوس شواہد نہیں ہیں، وزیراعلیٰ عثمان بزدار کے قریبی رشتہ داروں اور ان کے ساتھ کام کرنے والے سابقہ ساتھیوں کے خلاف بھی تحقیقات جاری ہیں، نیب کے ایک سینئر افسر نے موقر قومی اخبار کو بتایا کہ اب تک ہم وزیراعلیٰ پنجاب عثمان بزدار کی گرفتاری کے مرحلے تک نہیں پہنچے ہیں۔
