لاہور( این این آئی )لاہور ریلوے اسٹیشن سے گرفتار ہونے والے دہشتگرد نے اہم انکشافات کئے ہیں ۔ ذرائع کے حوالے بتایا گیا ہے کہ گرفتار دہشتگر د لیاقت خان نے دوران تفتیش انکشاف کیا کہ ہم نے لاہور میں قانون نافذ کرنے والے ادارے کی عمارت پر حملہ کرنا تھا۔دھماکہ کرنے کا حکم مکرم خان عرف عمر خراسانی نے دیا۔

گرفتار دہشتگرد نے دوران تفتیش انکشاف کیا کہ ریلوے اسٹیشن پر خود کش بمبار لڑکے کا انتظار کر رہا تھالیکن گرفتار ہو گیا۔گرفتار دہشتگردی کے مطابق حملے کا منصوبہ چند روز قبل بنایا اور17 سالہ بمبار پڑوسی ملک کا رہائشی ہے۔لیاقت خان کومنگل کے روز سی ٹی ڈی نے ریلوے اسٹیشن کے گرفتار کیا تھا۔

موضوعات:دہشتگرد لاہور ریلوے اسٹیشن