اسلا م آباد(مانیٹرنگ ڈیسک)سینئر صحافی اعزاز سید نے مولانا طارق جمیل پرشدید تنقید کر دی ۔ تفصیلات کے مطابق سینئر صحافی نے سماجی رابطے کی ویب سائیٹ ٹوئیٹر پربغیر تصدیق مولانا طارق جمیل کا خواجہ سرا سے ہاتھ ملانے کی ایک ویڈیوشیئر کرتے ہوئے کہا ہے
کہ” مجھے مولانا طارق جمیل کے اس لڑکی سے ہاتھ ملانے پر اعتراض نہیں ہے، اعتراض یہ ہے کہ مولوی اپنی تبلیغ کے بالکل الٹ کام کرتا ہے۔ اعزاز سیدکو بغیر تصدیق ویڈیو شیئر کرنا مہنگا پڑ گیا ۔ پاکستانی فیک نیوز نامی ٹویٹر ہینڈل سے اعزازسید کے بیان کی مذمت کی ہے اور کہا ہے کہ جس سے مولانا طارق جمیل ہاتھ ملا رہے ہیں وہ لڑکی نہیں خواجہ سرا ہے، اصلیت ہمیں پاکستانی صحافیوں کی جاننے کی ضروت ہے، جو بغیر تحقیق کے کسی پر بھی الزام لگادیتے ہیں۔غلطی کا احساس ہونے پر سینئر صحافی اعزاز سید نے معافی مانگ لی ۔انہوں نے کہا ہے کہ طارق جمیل صاحب نے وضاحت کی ہے کہ ان سے ہاتھ ملانے والی لڑکی نہیں مہک نامی ایک خواجہ سرا تھا اس وضاحت سے میری غلط فہمی دور ہو گئی ۔ خواجہ سراوں کے لیے کام کرنا ایک بڑائی ہے ۔ اس حوالے سے جناب طارق صاحب کا احترام اور اگر غلط فہمی میں دل آزاری ہوئی تو معذرت بھی۔
