اسلام آباد (این این آئی)وفاقی وزیر فواد چودھری نے کہا ہے کہ سردار عثمان بزدار اپنے قد پر نہیں کھڑے، انھیں چیف منسٹر وزیراعظم نے بنایا، وہ جب کہیں گے تو وہ استعفیٰ دیدیں گے، اگر استعفیٰ نہیں دیں گے تو چوبیس گھنٹے میں فارغ ہو جائیں گے۔ ایک انٹرویومیں انہوں نے کہاکہ مریم نواز نے خود کہا کہ لوگوں کا شکوہ گلا تھا کہ ہم خاموش ہیں، انہوں نے اپنے ووٹرز کو بھی تو مطمئن کرنا ہے،دو، چار دن بعد لوگ یہ واقعہ بھول جائیں گے۔ایک سوال کا جواب دیتے ہوئے انہوں نے کہا کہ پولیس نظام

میں اصلاحات ہونی چاہیے،عام آدمی کے ساتھ پولیس کیا حال کرتی ہے۔ تفتیشی نظام کی وجہ سے لوگوں کا انصاف پر اعتبار نہیں رہا، ہم نے ابھی تک جوڈیشل سسٹم ریفارمز کے لیے کچھ نہیں کیا۔ احتساب کے بیانیے پر کافی پرابلم آ رہا ہے،دو سال ہو گئے، لوگ چاہتے ہیں جنہوں نے ملک لوٹا پیسہ واپس آنا چاہیے۔وفاقی وزیر سائنس وٹیکنالوجی نے کہا کہ صوبوں میں وسائل کی منصفانہ تقسیم بہت ضروری ہے،جتنا مسئلہ کراچی، اتنا دوسرے شہروں کا بھی ہے، گھوٹکی شہر کو ایک روپیہ تک نہیں ملا۔

موضوعات:فواد چوہدری کھل کر بول پڑے