اسلام آباد (آن لائن) اقوام متحدہ جنرل اسمبلی کے نومنتخب صدر وولکن بوزکر دو روزہ دورے پر پاکستان پہنچ گئے، اسلام آباد ائیرپورٹ پر اعلیٰ حکام نے معزز مہمان کااستقبال کیا، وولکن بوزکر وزیراعظم عمران خان اور وزیر خارجہ شاہ محمود قریشی سے ملاقات کریں گے۔
ترجمان دفتر خارجہ سے جاری بیان کے مطابق اتوار کے روز اقوام متحدہ جنرل اسمبلی کے نومنتخب صدر وولکن بوزکر دو روزہ دورے پر پاکستان پہنچ گئے ہیں اسلام آباد ائیرپورٹ پر اعلیٰ حکام نے وولکن بوزکر کا استقبال کیا وہ حکومت پاکستان کی دعوت پر پاکستان کا دورہ کر رہے ہیں. نومنتخب صدر وولکن بوزکر وزیراعظم عمران خان سے ملاقات کریں گے اقوام متحدہ کی جنرل اسمبلی کے نومنتخب صدر وزیر خارجہ شاہ محمود قریشی سے بھی ملاقات کریں گے نومنتخب صدر کا دورہ عالمی امن و سلامتی کے فروغ کے لیے پاکستانی کردار پر روشنی ڈالنے کا موقع فراہم کرے گا.
