آئی ایم ایف کے ایجنٹوں نے اداروں کو یرغمال بنا رکھا ہے ،تمام فیصلے آئی ایم ایف کی مرضی سے ہورہے ہیں،وزیراعظم خود کس چیز کا اعتراف کرتے ہیں ؟ تہلکہ خیز دعویٰ

  اتوار‬‮ 9 اگست‬‮ 2020  |  22:44

لاہور( این این آئی )امیر جماعت اسلامی سینیٹر سراج الحق نے کہا ہے کہ جس ملک کا تاجر خوشحال نہ ہو وہ ملک ترقی نہیں کرسکتا،تاجر ٹیکس دیتے ہیں تو ملک چلتے ہیں،تاجروں نے ہمیشہ سیاست سے بالاتر ہوکر ملک و قوم کی خدمت کی ہے،وزیراعظم خود اعتراف کرتے ہیں ان کے چاروں طرف مافیاز ہیں ،مافیاز نے پی آئی اے ،واپڈا اور ریلوے سمیت قومی اداروں کو تباہ کیا،زرعی ملک میںچینی اور آٹا نہیں مل رہا ،آئی ایم ایف کے ایجنٹوں نے اداروں کو یرغمال بنا رکھا ہے ،جتنے بھی فیصلے ہورہے ہیں وہ بیرونی دبا ئواور آئی ایم


ایف کی مرضی سے ہورہے ہیں،حکومت نے دودن قبل باہمی معاونت کا بل پاس کیا جس کا مقصد ہی آئی ایم ایف کی حکمرانی قبول کرنا ہے جبکہ پیپلز پارٹی اور مسلم لیگ ن نے بل پاس کرنے میں حکومت کا ساتھ دیا ،آئی ایم ایف کے ایجنڈے پر حکومت و اپوزیشن سب ایک ہیں،آج پیپلز پارٹی، مسلم لیگ ن اور پاکستان تحریک انصاف آئی ایم ایف کے ایجنڈے پر متفق ہیں۔ان خیالات کا اظہار انہوں نے تنظیم تاجران پاکستان کے زیر اہتمام اسلام آباد میں ہونے والے تحفظ معیشت تاجر کنونشن سے خطاب کرتے ہوئے کیا۔ کنونشن سے نائب امیر جماعت اسلامی میاں محمد اسلم اور تنظیم تاجران کے صدر محمد کاشف چوہدری نے بھی خطاب کیا۔کنونشن میں تاجروں اور کاروباری طبقہ نے بڑی تعداد میں شرکت کی۔ سراج الحق نے کہا کہ حکومت نے معاشی استحکام کے بہت دعوے کئے تھے ہم کہتے ہیں کہ حکومت اور کچھ نہ کرے روپے کی قیمت 2018کی سطح پر لے آئے ۔حکومت نے معیشت کا بیڑا غرق کردیا ہے ،جس ملک کی معیشت تباہ ہوجائے اس کا جغرافیہ بھی محفوظ نہیں رہ سکتا۔حکومت نے کشمیر کو بھارت کی جھولی میں ڈال دیا ہے ۔آج اس ملک کے مقدس ایوان قومی اسمبلی کو گالم گلوچ اور بدتہذیبی کا اکھاڑہ بنا دیا گیا ہے۔حکمران اور سیاسی لیڈر ایک دوسرے کو ذلیل اور رسوا کرنے کیلئے نئی نئی گالیاں ایجاد کررہے ہیں۔ان حکمرانوں سے خیر کی توقع رکھنا خود کو دھوکہ دینے کے مترادف ہے ۔قوم نے ان کو ووٹ دیکر غلطی کی اور دھوکہ کھایا۔سینیٹر سراج الحق نے کہاکہ حکومت تاجر برادری کو سب سے بڑی رکاوٹ سمجھتی ہے ۔وزیراعظم صاحب کے 2 سو ماہرین آئی ایم کے کلرک اور ورلڈ بینک کے ملازمین ہیں۔معیشت کو تباہ کرنے والے یہی لوگ ہیں۔انہوں نے کہاکہ جس دن طیب اردگان کار فیکٹری کا افتتاح کر رہے تھے ہمارے وزیر اعظم مرغی اور کٹے کا اعلان کر رہے تھے۔طیب ادرگان نے آج مضبوط معیشت کے باعث 23.5 بلین ڈالر کے قرضے واپس کیے.ہماری شرح نمو حکومت کے آنے سے قبل 5.3 تھا آج مائنس 1 ہو گئی ہےاس حکومت کے قرضے ہماری جی ڈی پی سے 28 فیصد زیادہ ہیں۔ حکومت نے آئندہ نسلوں کو بھی آئی ایم ایف اور ورلڈ بک کا غلام بنادیاہے ۔ایک طرف حکومت کے پاس تعلیم کیلئے بجٹ نہیں اور دوسری طرف نیاشہر بسارہی ہے ۔انہوں نے پوچھا کہ راوی کے کنارے نیا شہر بسانے کیلیے 50 ہزار ارب ڈالر کہاں سے آئیں گے۔انہوں نے کہا کہ موجودہ حکومت کے دور میں سبزیوں اور پھلوں کی قیمتوں میں سوفیصد ،ادویات کی قیمتوں میں چار سو فیصد گندم کی قیمت میں 28فیصداضافہ ہوگیا ہے جبکہ آٹے کا تھیلا 13سو روپے میں مل رہا ہے ۔سینیٹر سراج الحق نے کہا کہ مہنگائی اور بے روز گاری کے مارے عوام حکومت کے جانے کا انتظار کررہے ہیں۔جماعت اسلامی ملک کو ایک اسلامی و فلاحی مملکت بنانے کی جدوجہد کررہی ہے تاجر برادری کو اس جدوجہد کا ہراول دستہ بن کر ہمارا ساتھ دینا ہوگا۔وقت آگیا ہےتاجر برادری پارٹی مفادات سے بالاتر ہو کر ملک بچانے کا سوچے۔آج ہمیں عدالتی نظام کو عدل و انصاف کا گہوارہ بنانے کیلئے عدالتوں میں قرآن و سنت کا نظام لانا ہوگا، ہمیں اپنے نظام تعلیم کو بدلنا ہوگااور یکساں تعلیمی نظام لانا ہے .تاجر برادری کو ظلم و جبرکا یہ نظام بدلنے کیلئےجماعت اسلامی کا ساتھ دینا ہوگا.انہوں نے کہا کہ تاجر برادری ہمارے ساتھ یکجہتی کا اظہار کرے ۔تاجر برادری جماعت اسلامی پر اعتماد کا اظہار کرے تبدیلی ہم لائیں گے.پاکستان کا ہر آدمی آج پریشان حال ہے اور حکومت کے جانے کا انتظار کررہا ہے آج تاجر کو ملک میں عزت چاہیے تاجر برادری کو منظم ہونے کی ضرورت ہے ۔حکومت ہر مالدار اور تاجر پر کرپٹ ہونے کا شک کرتی ہے۔


موضوعات:

زیرو پوائنٹ

ہم قدم ارطغرل کے مزار پر

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎