لاہور(این این آئی) مسلم لیگ (ن) پنجاب کے صدر رانا ثنااللہ نے کہا ہے کہ موجودہ حکومت کی معاشی پالیسی ناکام ہو چکی ہے، اس حکومت نے غریب سے دو وقت کی روٹی بھی چھین لی ہے۔اپنے بیان میں انہوں نے کہا کہ اپوزیشن سے انتقامی کارروائی کے علاوہ حکومت کی کوئی پالیسی نہیں، حکومت کی خارجہ پالیسی مکمل طور پر ناکام ہو چکی ہے۔انہوں نے کہا کہ اے پی سی کی تیاری کی جا رہی ہے جس کیلئے کمیٹی تشکیل دیدی گئیں ہیں۔انہوں نے کہا کہ حکومت کی پالیسیوں کی وجہ سے 20 لاکھ سےزائد لوگ بیروزگار ہو چکے

ہیں۔ لوگوں کے کاروبار نہیں رہے جو کروڑوں روپے کی فیکٹری لگا کر بیٹھا ہے وہ بھی مسائل کا شکار ہے جبکہ ریڑھی لگانے والا بھی پریشان حال ہے۔پاکستان میں مخصوص ایجنڈے کے تحت پراپیگنڈہ کیا گیا جو کنٹینر سے شروع ہوا اور انتخابات تک چلایا گیا۔اس دوران جھوٹ بولا گیا اور بدزبانی کا کلچر پھیلایا گیا، کہا گیا ہماری حکومت آئی گی اور سو دنوں میں ملک ٹھیک کردے گی۔انہوں نے کہا کہ عمران خان کی حکومت جانے میں سب سے بڑا کردار شیخ رشید کا ہوگا۔