اسلام آباد (این این آئی)بیگو سے کامیاب روابط کے پیش نظر، پاکستان ٹیلی کمیونیکیشن اتھارٹی (پی ٹی اے) نے پاکستان میں بیگو کی خدمات پر سے پابندی اٹھانے کا فیصلہ کیا ہے۔ پی ٹی اے اتھارٹی کے ممبران اور بیگو کے نائب صدر ساوتھ ایشیاء آپریشنز، جھون ڑانگ کے مابین ایک اجلاس کا انعقاد ہوا۔ اجلاس میں، انہوں نے غیر اخلاقی اور غیر مہذب مواد کو موڈریٹ کرنے کے حوالے سے بیگو کے عزم کی یقین دہانی کرائی۔ بیگو انتظامیہ نے غیر قانونی مواد کے مسئلے کے حل کے حوالے سے پی ٹی اے کے ساتھ اقدامات کا تسلسل جاری
رکھنے کی یقین دہانی کرائی۔واضح رہے کہ پی ٹی اے نے پب جی پر بھی پابندی ختم کرنے کا فیصلہ کرلیا۔ جمعرات کو پی ٹی اے اور پراکسیما بیٹا پرائیویٹ لمیٹڈ (پی بی) کے قانونی نمائندوں کے مابین پب جی سے متعلق اجلاس۔پراکسیما بیٹا (پی بی) کے نمائندوں نے گیمنگ پلیٹ فارم کے غلط استعمال کو روکنے کے لئے پی ٹی اے کی طرف سے اٹھائے گئے سوالات کے جواب پر اتھارٹی کو آگاہ کیا،پی ٹی اے نے پی بی کے اختیار کردہ اقدامات پر اطمینان کا اظہار کیا،کمپنی کے نمائندے نے پی ٹی اے کے تاثرات کا خیرمقدم کیا۔
