تیمرگرہ ( آن لائن ) چکدرہ چترال روٹ کو سی پیک منصوبہ سے نکالنے کے خلاف جماعت اسلامی نے احتجاجی تحریک چلانے کا اعلان کر دیا 8 اگست کو چکدرہ فنشگ ہٹ میں اے پی سی بلانے ،عد الت جانے کا فیصلہ ،سینٹ ، قومی اسمبلی اور صوبائی اسمبلی میں معا ملہ اٹھانے کا اعلان۔چکدرہ چترال سی پیک روٹ لوئر دیر اپر دیر ،چترال ، اور باجوڑ کے عوام کا حق ہے جس کی منظوری ن لیگ کی

حکومت میں ہوئی تھی مراد سعید اسمبلی فلور پر جھوٹ بول رہے ہیں ان خیا لات کا اظہار ممبر صوبائی اسمبلی ونائب امیرجما عت اسلامی خیبرپختون خواہ عنایت اللہ خان ، سابق ممبر قومی اسمبلی صاحب زادہ طارق اللہ ، امیر جماعت اسلامی لوئر دیر اعز ازلملک افکاری ، جنرل سیکر ٹری ارشد زمان، سابق ضلعی ناظم حاجی محمد رسول خان نے احیا ء العلوم بلامبٹ میں پریس کانفر نس سے خطا ب کرتے ہوئے کہا انھوں نے کہا کہ مسلم لیگ ن کے دور حکومت میںچکدرہ چترال سی پیک متبادل روٹ کی منظوری ہوئی تھی جس کی دستا ویزی ثبوت ان کے پاس موجود ہے لیکن پی ٹی ائی کی حکومت میں اس اہم منصوبے کو ترک کرکے دیر پائین ، دیر بالا ، چترال ، اور باجوڑ کے پچاس لاکھ سے زائد آبادی کے عوام کے ساتھ ظلم اور نا انصافی کی گئی ہے انھوں نے وزیر اعلیٰ خیبر پختون خواہ محمود خان کی جانب سے جماعت اسلامی پر تنقید کرنے اور جماعت اسلامی کو منا فق قرا ر دینے کی شدید مذمت کی اور کہا کہ یہ وزیر اعلیٰ کی جانب سے جماعت اسلامی کے ارکان اسمبلی پر کرپشن کے الزامات بے بنیاد ہے انھوں نے کہا کہ جماعت اسلامی کے ارکان اسمبلی کا دامن کرپشن سے پاک ہے اور جماعت اسلامی اپنے ارکان کو احتساب کے لئے پیش کرتے ہیں انھوں نے کہا کہ جما عت اسلامی چکدرہ چترال سی پیک کی بحالی کے لئے احتجاجی تحریک شروع کرے گی اور وہ اپنے حقوق چھین کر لینگے انھوں نے کہا کہ وفاقی وزیر مراد سعید نے چکدرہ سی پیک روٹ کے حوالے سے اسمبلی فلور پر جھوٹ بول کر عوام کوگمراہ کرنے کی ناکام کوشش کی ہے انھوں نے کہا کہاس حوالے جماعت اسلامی مراد سعید کو چیلنج کرتے ہیں کہ اس نے مذکورہ شاہراہ کے حوالے سے عوام کو گمرا ہ کرنے کی کوشش کی۔