لاہور(این این آئی) صوبائی وزیر اطلاعات فیاض الحسن چوہان نے کہا ہے کہ احسن اقبال نیب کے چکر لگا لگاکر ذہنی توازن کھو بیٹھے ہیں۔اپنے بیان میں صوبائی وزیر اطلاعات نے کہا کہ پچاس کے قریب لیگی ارکان کے حکومت کے ساتھ رابطوں نے لیگی رہنماں کی نیندیں اڑا دی ہیں،غیر متحدہ اور غیر منظم اپوزیشن جماعتیں عوامی اعتماد پر قائم پی ٹی آئی حکومت نہیں گرا سکتیں۔فیاض الحسن نے کہا کہ احسن اقبال نیب کے
چکر لگا لگا کر اپنا ذہنی توازن کھو بیٹھے ہیں،احتساب کے چکروں میں پھنسے احسن اقبال بہکے بہکے بیانات دے کر اپنا دل بہلا رہے ہیں،غیرمتحدہ اپوزیشن کے حکومت گرانے کی خواہش آئندہ تین سال تک پوری ہونا ناممکن ہے۔صوبائی وزیر اطلاعات نے کہا کہ معیشت کا بیڑہ غرق کرنے کے بعد لیگی رہنما حکومت کو معیشت پر بھاشن دے رہے ہیں،حقیقت میں بین الاقوامی معاشی ادارے پاکستان کے معاشی اشاریئے کی بہتری کا اعتراف کر رہے ہیں۔
