اسلام آباد (این این آئی)حکومت نے کرونا کے بعد مختلف شعبوں کو دیئے گئے 1240ارب روپے ریلیف کی تفصیلات قومی اسمبلی میں پیش کردیں جس کے مطابق ایمرجنسی ریسپانس 190این ڈی ایم اے 25طبی سامان و کارکنان 50ہنگامی فنڈز 100شہریوں کے لئے ریلیف 570ارب روپے رکھے گئے ہیں ۔ جمعہ کو اجلاس کے دور ان بتایاگیا کہ زراعت ایمرجنسی کے لئے 277ارب روپے ایس ایم ای کے لئے 100ارب روپے رکھے گئے ہیں

،یومیہ اجرت مزدوروں کے لئے 200ارب غیر محفوظ گھرانوں اور پناہ گاہوں کے لئے 150 ارب روپے رکھے ہیں ۔ بتایاگیاکہ پیٹرول ڈیزل پر ریلیف کے لئے 70 ارب یوٹیلٹی سٹورز 50ارب رکھے گئے ہیں ،بجلی گیس اور ادائیگیوں کے موخر کے لئے 100ارب روپے رکھے گئے ہیں ،کاروبار معیشت کے لئے 480ارب گندم کاشتکاروں کو ادائیگی 280ارب روپے جبکہ برآمد کنندگان کے لئے 100ارب روپے رکھے ہیں۔