کراچی(نیوز ڈیسک) جیوکے پروگرا م آج شاہزیب خانزادہ کے پروگرام میں حزب اختلاف کے رہنما خواجہ آصف نے دوران گفتگو کہا کہ عمران خان مودی کے رشتے دار ہیں جس پر اینکر شاہزیب خانزادہ نے خواجہ آصف کو ٹوک کر کہا کہ آپ عمران خان کو مودی کا رشتے دار نہ کہیں۔

اس معاملے پر اینکر شاہزیب خانزادہ نے نہائت ذمے دارانہ رویہ اختیار کرتے ہوئے معالے پر کنٹرول کیا اور خواجہ آصف کو ایسے جملے کہنے سے پہلے ہی روک دیا۔ان کا کہنا تھا دیکھیں یہ نہ کریں آپ یہ الفاظ نہ کہیں کوئی مودی کا یار نہیں ، کسی کو غدار نہ کہیں ، فاطمہ جناح غدار نہیں تھیں نواز شریف کے لئے اگر غدار کے الفاظ مناسب نہیں تھے تو عمران خان کے لئے بھی یہ الفاظ درست نہیں۔قبل ازیں خواجہ آصف نے کہا کہ ، عمران خان مودی کا یار نہیں بلکہ مودی کا رشتہ دار بن گیا ہے۔ ملک میں ہماری روایات کو کس نے خراب کیا، سیاست میں لحاظ کہاں چلا گیا، انہوں نے روایات نہ اپوزیشن میں پوری کی نہ حکومت میں پوری کیں،دھرنے میں 126دن ہمیں گالیاں دے کر کون سی سیاسی روایات پوری کی گئیں۔کیا حکومت نے میڈیا اور جیو کے ساتھ روایات پوری کی ہیں، مطیع اللہ جان کو پرسوں اٹھایا گیا کیا وہ روایات پوری ہوئی ہیں، حکومت عالمی ذمہ داریوں کے ساتھ ملک میں آئینی ذمہ داریاں بھی پوری کرے ۔ خواجہ آصف کا کہنا تھا کہ حکومت آئینی روایت کے تحفظ کیلئے دو قدم آگے بڑھے ہم پانچ قدم آگے بڑھیں گے، انہوں نے نواز شریف کو مودی کا یار کہا تھا، ہم نے آج عمران خان کو مودی کا یار کہہ کر اسکور سیٹل کیا ہے،عمران خان الیکشن میں مودی کی کامیابی کی دعا مانگتے تھے۔عمران خان لوگوں کو طعنہ دیتے ہیں یہ خود بھی علاج کیلئے باہر چلے گئے تھے، ہم فرشتے نہیں ہیں۔

موضوعات:خواجہ آصف شاہزیب خانزادہ