لاہور(این این آئی)مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ فیاض الحسن چوہان نے بھی تسلیم کرلیا عمران اور بزدار ٹویٹر کے وزیراعظم اور وزیراعلی ہیں،عمران خان کو اپنا نام تبدیل کرکے ٹویٹر خان رکھ لینا چاہیے،ٹویٹر حکومت کی کارکردگی صرف ٹویٹر پر ہی نظر آرہی اور زمین پر کارکردگی صفر ہے۔ اپنے بیان میں انہوں نے کہا کہ ٹویٹر خان اسلام آباد سے خصوصی طور پر شہبازشریف کے منصوبے ریور راوی پراپنا
ٹھپہ لگانے لاہور آئے،ٹویٹر بزدار نے دو سالوں میں پنجاب میں ایک اینٹ نہیں لگائی۔ا نہوں نے کہاکہ فیاض الحسن چوہان دس ہسپتالوں کا جعلی کریڈٹ بزدار کے کھاتے میں ڈال رہے ہیں،ملک کا ہر شہری، مرد و زن، بچہ، بوڑھا اور نوجوان عمران نیازی کے تجربوں سے دلبرداشتہ ہوچکا ہے،عمران نیازی پاکستان کی معاشی تباہی اور سیاسی انتشار کا ایجنڈالے کر اقتدار پر مسلط ہوئے،عمران نیازی کا ایجنڈا ملک کو قرضوں میں ڈبونا اور معیشت کا دیوالیہ نکالنا ہے۔
