سندھ سرکار نے سکھر قرنطینہ میں 15 سو مسافروں کو ایک کروڑ سے زائد کا کھانا کھلا دیا،حیران کن انکشاف

  جمعرات‬‮ 16 جولائی‬‮ 2020  |  18:46

سکھر(این این آئی) سکھر قرنطینہ میں مسافروں کے کھانے کے بل کی تفصیلات منظرعام پرآگئی ہیں، جس کے مطابق سکھر قرنطینہ میں مسافروں کو1 کروڑ 22 لاکھ روپے کا کھانا کھلایا گیا۔ذرائع کے مطابق سکھر قرنطینہ میں مختلف ایام میں 1500مسافرٹھہرائے گئے، قرنطینہ میں 20مارچ سے یکم اپریل تک 69 لاکھ 49 ہزار سے زائد کا کھانا دیا گیا۔2 اپریل سے31 مئی کے درمیان 30 روز میں 53 لاکھ 42 ہزار کا ناشتہ اور کھانا فراہم کیا گیا اس کے علاوہ مسافروں کو بیف بریانی، قورمہ، کڑھائی، میٹھا، سلاد، رائتہ اورپھل بھی دیئے گئے۔سکھر قرنطینہ میں مسافروں کو ناشتے میں


ڈبل روٹی، چائے اور جیم کی سہولیات دی گئی تھیں، ناشتے اور کھانے کے بلوں کی ادائیگی حکومت سندھ نے کی۔


موضوعات: