صحافیوں پر لاہور اور اسلام آباد میں پولیس تشدد ، پتھرائو اور فائرنگ ، پارلیمان بند، روزگار بند، زبان بند، حکومت کی آنکھیں بند، عمران صاحب یہ ہے نیا پاکستان؟ ن لیگ کی شدید تنقید

  منگل‬‮ 7 جولائی‬‮ 2020  |  0:12

لاہور(این این آئی )پاکستان مسلم لیگ (ن)کی ترجمان مریم اورنگزیب نے نجی ٹی وی چینل کی بندش کے خلاف احتجاج کرنے والے صحافیوں پر لاہور اور اسلام آباد میں پولیس تشدد ، پتھرا اور ہوائی فائرنگ کی شدید مذمت کرتے ہوئے کہاکہ عمران صاحب لاٹھی گولی کی سرکار نہیں چلے گی ،عمران مافیا حکومت صحافیوں کی آواز اور اِن ادارے بند کرتی ہے اور احتجاج پر لاٹھیاں اور گولیاں برساتی ہے۔ عمران صاحب آج پورا پاکستان آپ کے ظلم کے خلاف سراپا احتجاج ہے، کس کسپر لاٹھیاں اور گولیاں برسائیں گے؟،پارلیمان بند، روزگار بند، زبان بند، حکومت کی آنکھیں بند،


عمران صاحب یہ ہے نیا پاکستان؟ قلم پر پابندی، کیمرے بند، عمران صاحب یہ ہے نیا پاکستان؟ ،ایک کروڑ نوکریوں کی جگہ لاکھوں لوگ بے روزگار، عمران صاحب یہ ہے نیا پاکستان؟۔انہوںنے کہاکہ عمران صاحب آزادی صحافت کو آپ کی فسطائی سوچ نہیں روک سکتی۔ ڈاکو، چور اچکوں کے سیاہ چہرے بے نقاب ہو چکے ہیں میڈیا کی آواز بند کرنے سے اب کچھ نہیں ہو گا۔


موضوعات: