اسلام آباد (این این آئی)وفاقی وزیر برائے بحری امور علی زیدی نے کہا ہے کہ عزیر بلوچ نے دبئی میں ملاقات کر کے اپنی کہانی سنائی اور بتایا کہ وہ پولیس میں جانا چاہتا تھا۔ایک انٹرویومیں وفاقی وزیر نے بتایا کہ عزیر بلوچ سے دبئی میں ملاقات ہوئی جس میں اْس نے اپنے بارے میں تفصیلی بتایا۔ اْنہوں نے کہاکہ ملاقات میں عزیر بلوچ نے بتایا کہ وہ پولیس میں جانا چاہتا تھا مگر اْس کے والد کو ارشد پپو نے قتل کرایا

جس کے بعد وہ دوسری راہ پر چل پڑا، جس نے عزیربلوچ کو غلط راستے پرلگایا ان کوبھی سزا ملنی چاہیے۔علی زیدی نے کہاکہ عزیر بلوچ نے بیان حلفی میں آصف زرداری اور فریال تالپور کا نام لیا ہے، اسمبلی میں جو باتیں کیں اْن پر قائم ہوں، پیر کو جے آئی ٹی ریلیز ہوجائے تو پھر اس پر مزید بات کریں گے۔عزیربلوچ کو غلط راستے پر لگانے والے آج بجٹ تقریریں کرتے ہیں،سزا اور جزا کا قانون ہوتا ہے جس پر عمل درآمد ضروری ہے، ذوالفقارمرزا نے سچ بول کر ان کو بے نقاب کیا۔علی زیدی کا کہنا تھا کہ رکن قومی اسمبلی قادر پٹیل کا نام جے آئی ٹی میں شامل ہے، وہ چیلنج دینے سے پہلے اس بات کا جواب دیں کیونکہ عزیر نے اعتراف کیا کہ قادر پٹیل کے کہنے پر رزاق کمانڈو کو قتل کیا۔اْن کا کہنا تھا کہ میرے پاس جو جے آئی ٹی ہے اس کی کاپی 3،4 لوگوں کو دے چکا ہوں، یہ لوگ توقتل کرانے میں ماہر ہیں اگر مجھے کچھ ہوا تو جن کو کاپی دی وہ خود ریلیز کردیں گے، پی پی کو جواب دینا ہوگا کہ خالدشہنشاہ کوکس نے قتل کرایا۔وفاقی وزیر نے کہا کہ سندھ کے ضلع کا ایک ایس پی ڈاکٹر رضوان رپورٹ پیش کررہا ہے کہ سعید غنی کا بھائی منشیات فروشی میں ملوث ہے۔ علی زیدی نے کہا ہے کہ عزیر بلوچ نے دبئی میں ملاقات کر کے اپنی کہانی سنائی اور بتایا کہ وہ پولیس میں جانا چاہتا تھا۔ایک انٹرویومیں وفاقی وزیر نے بتایا کہ عزیر بلوچ سے دبئی میں ملاقات ہوئی جس میں اْس نے اپنے بارے میں تفصیلی بتایا۔