فیصل آباد (آن لائن )پاکستان بار کونسل نے ملک بھر میں ینگ وکلاء پر دو سال کے لئے ووٹ دینے پر پابندی عائد کردی ۔ ینگ وکلاء نے ووٹ کا حق چھیننے کے فیصلے کو مسترد کردیا‘ آن لائن کے مطابق پاکستان بار کونسل کے سیکرٹری محمد ارشد کی جانب سے جاری ہونے والے مراسلے میں بتایاگیا کہ رول 175K کی کلاز اے میں
تبدیلی کردی گئی جس کے مطابق بار ایسوسی ایشن کا کوئی بھی ینگ وکیل رجسٹرڈ ہونے کے دو سال تک ووٹ کا حق استعمال نہیں کر سکتا جبکہ کسی بھی بار ایسوسی ایشن سے دوسری بار ایسوسی ایشن میں ٹرانسفر ہونے کے بعد دوبارہ دو سال تک ووٹ کے استعمال کے لئے انتظار کرنا پڑے گا۔
