اسلام آباد (این این آئی) وزیراعظم عمران خان کے معاون خصوصی برائے سیاسی امور شہباز گل نے کہا ہے کہ یقین رکھیں مافیاز کا علاج شروع ہوچکا، بس تھوڑا انتظار کریں۔سماجی رابطے کی ویب سائٹ ٹوئٹر پر جاری بیان میں شہباز گل نے کہا کہ اگر کسی کو لگتا ہے کہ عمران خان کسی مافیا کے آگے
ہار مانے گا تو پھر آپ ’خان‘ کو جانتے ہی نہیں۔انہوں نے کہا کہ عمران خان پاکستان کے وزیراعظم اپنی فیکٹریاں بنانے کیلئے نہیں بنے، وہ کبھی غریب کے حق پر سمجھوتا نہیں کریں گے۔وزیراعظم کے معاون خصوصی نے کہا کہ بس تھوڑا انتظار اور، 24 سال کی جدوجہد رائیگاں نہیں جائے گی۔
