فیصل آباد (این این آئی)سابق صوبا ئی وزیر قانون پنجاب رانا ثناء للہ نے کہا ہے کہ چور دروزے سے اقتدار میں آنے والوں کے دن گنے جا چکے ، غر یب عوام کی بدعا ئیں حکومت کو لے ڈوبیں گی ،نالائق ،نااہل اورچور حکومت تاریخی گند ڈال رہی ہے، آنے والی نسلوں کو دہائیوں تک گند کی صفائی کرنا پڑے گی سیاسی یتیم اپنی نالائقیوں نااہلیوں کا ملبہ پی پی پی مسلم لیگ (ن)پر ڈالنے کی بجائے
اپنے گریبان میں جھا نکیں ۔ گزشتہ روز یہاں میڈ یا سے گفتگو کر تے ہو ئے انہوں نے کہا کہ عوام کو بیروزگار ملکی معیشت تباہ کرنے والے چینی چور اپنے کرتوت کاگند پچھلے ادوار پر ڈالنے کی کوشش نہ کریں ،پہلے ہسپتال اور اب لوگوں کی زندگیوں پہ سیاست صرف گندی ذہنیت کی حکومت ہی کرسکتی ہے ۔انہوں نے کہا کہ چور دروازے سے اقتدار میں آنے والوں نے رات کی تاریکی مین عوام پر شب خون مارا گیا ۔ انہوںنے کہاکہ پاکستان کی تاریخ میں پٹرو لیم مصنوعات کی قیمتیں ایک ہی رات اتنی نہیں بڑھیں جتنی گز شتہ روز بڑھی ہیں، حالیہ بڑھائی گئی قیمتوں سے ملک بھر میں مہنگا ئی کا ایک طوفان آئے گا۔ سابق وزیر نے کہاکہ کوویڈ19کے ستا ئے عوام چوری ڈکیتی کی وارداتیں کر یں گے ،لاء اینڈ آرڈر کے مسا ئل پیدا ہو نگے ،غریب عوام کی بدعائیں عمران نیازی کی حکومت کو لے ڈو بیں گی ۔ انہوںنے کہاکہ حکومت کے غبارے سے ہوا نکلنا شروع ہو گئی ہے انہوں نے کہا کہ سیاسی یتیم اپنی نالائقیوں نااہلیوں کا ملبہ پی پی پی اور مسلم لیگ (ن)پر ڈالنے کے بجائے اپنے گریبان میں جھانکیں۔ سابق وزیر نے کہاکہ نون لیگ ووٹ کو عزت دو کے بیا نیے پر قائم ہے اور کسی بھی صورت میںعوام کے ووٹ کی عزت بحال کروائیں گے ،ملک کے غیور اور غریب عوام کو تن تنہا نہیں چھوڑیں گے ۔
