لاہور( آن لائن ) معروف قانون دان عبداللہ خان ( اے کے ڈوگر) انتقال کر گئے۔ خاندانی ذرائع کے مطابق عبداللہ خان ڈوگر چند روز سے لاہو ر کے نجی ہسپتال میں زیر علاج تھے وہ اتوار کی صبح اپنے خالق حقیقی سے جا ملے ۔ اہلخانہ نے کورونا وائر س کے باعث اظہار تعزیت کے لئے رشتہ داروں کو گھر آنے سے منع کر دیا ہے ۔
اے کے ڈوگر سابق چیف جسٹس لاہور ہائیکورٹ مامون الرشید کے سسر تھے ، معروف قانون دان کی وفات پر مسلم لیگ ( ن ) پنجاب کے لائرز فورم کے صدر رانا محمد افضل نے گہر ے دکھ اور افسوس کا اظہار کرتے ہوئے کہا ہے کہ مرحوم کی وکلاء برادری کیلئے دی جانے والی خدمات کو ہمیشہ یا د رکھا جائیگا ۔
