کراچی (این این آئی)وزیر اعلیٰ سندھ سید مراد علی شاہ نے کہا ہے کہ کورونا وائرس کے 5103ٹیسٹوں کے نتیجے میں 1150 نئے مثبت کیسز کی تشخیص ہوئی جبکہ 27 مزید مریض اپنی جان سے ہاتھ دھو بیٹھے ہیں جس کے بعد اموات کی تعداد 1205 ہوگئی ہے۔ وزیراعلی ہاس سے جاری ایک بیان میں مراد علی شاہ نے کہا کہ 5103 ٹیسٹ کئے گئے جن میں سے 1150 نئے مثبت کیسز کا پتہ چلا جوکہ 22 فیصد شرح بنتی ہے جوکہ
بلند ترین شرح میں سے ایک ہے اور ہمیں ماہرین، حکومت اور ڈبلیو ایچ او کی جانب سے جاری کردہ گائیڈ لائین پر عمل کرتے ہوئے اسے کنٹرول کرنا ہے۔ انہوں نے مزید کہا کہ اب تک 414248 ٹیسٹ کئے جاچکے ہے جس میں سندھ بھر میں 76318 کیسز کا پتہ چلا ہے۔ انہوں نے کہا کہ اس طرح مثبت کیسز کی شرح 18.4 فیصد ہے۔ وزیراعلی سندھ کے مطابق 27 مزید مریضوں کی وفات کے بعد اموات کی تعداد 1205 تک پہنچ گئی ہے جوکہ 1.5 فیصد شرح اموات ہے۔ انہوں نے کہا کہ گزشتہ 24 گھنٹوں میں 1252 مریض صحتیاب ہوئے اور اب تک صحتیاب ہونے والے مریضوں کی تعداد 41992 ہوگئی ہے جو 55 فیصد بحالی کا تناسب ہے۔ وزیراعلی سندھ نے بتایا کہ اس وقت 33121 مریض زیر علاج ہیں ان میں سے 31668 گھروں میں، 78 قرنطینہ مراکز اور 1375 مختلف اسپتالوں میں ہیں۔ مراد علی شاہ نے بتایا کہ کورونا وائرس کے 1150 نئے کیسوں میں سے 1050 کا تعلق کراچی سے ہے ان میں ضلع شرقی 322، ضلع جنوبی 300، ضلع غربی 143، ضلع وسطی 111، ضلع ملیر 88 اور ضلع کورنگی 86 شامل ہیں جبکہ دیگر اضلاع میں حیدرآباد میں 22، جامشورو اور گھوٹکی 7-7، دادو 4، لاڑکانہ، سکھر اور ٹھٹھہ 3-3اور عمرکوٹ اور سانگھڑ 2-2اور شہید بینظیر آباد میں ایک نئے کیس رپورٹ ہوئے ہیں۔ وزیراعلی سندھ نے صوبے کی عوام پر زور دیا کہ وہ حکومت، ماہرین اور ڈبلیو ایچ او کی جانب سے جاری کردہ ایس او پیز پر عمل کریں۔
