اسلام آباد (این این آئی)معاون خصوصی ڈاکٹر شہباز گل نے بلاول زرداری کے چیلنج کا جواب دیتے ہوئے کہا ہے کہ بلاول میاں، جیکب آباد ڈسٹرکٹ کا سب سے بڑا ہسپتال کھنڈر کا منظر پیش کر ریا ہے، عوام گدھا گاڑی میں مریض کو ہسپتال لارہے ہیں جہاں گندگی کے ڈھیر انکا منہ چڑھا رہے ہیں، خطرہ ہے کارڈیالوجی سنٹر کی چھت کسی لمحے سر پر آن گرے۔اتوار کو اپنے بیان میں انہوںنے کہاکہ
ڈاکٹر شہباز گل جیک آباد ڈسٹرکٹ ہسپتال کی حالت زار منظر عام پر لے آئے،بلاول زرداری نے وزیراعظم کو چیلنج کیا تھا کہ سندھ کے ہسپتال ملک میں بہترین ہیں،ڈاکٹر شہباز گل نے جیک آباد ڈسٹرکٹ ہیڈ کوارٹر ہسپتال کا دورہ کیا۔ انہوںنے کہاکہ بلاول میاں، جیکب آباد ڈسٹرکٹ کا سب سے بڑا ہسپتال کھنڈر کا منظر پیش کر ریا ہے، یہاں کورونا تو دور کسی عام مرض کا علاج بھی ممکن نہیں، عوام گدھا گاڑی میں مریض کو ہسپتال لاریے ہیں جہاں گندگی کے ڈھیر انکا منہ چڑھا رہے ہیں، خطرہ ہے کارڈیالوجی سنٹر کی چھت کسی لمحے سر پر آن گرے، بلاول زرداری کے دعوؤں کے برعکس یہاں انسانوں سے جانوروں جیسا سلوک روا ہے، ہسپتال کے وارڈز میں اندھیرے اور گندگی کی حکمرانی ہے،پیپلزپارٹی کی حکومت صرف پریس کانفرنس اور بیانات تک محدود ہے۔شہباز گل نے کہاکہ زمینی حقائق یہ ہیںکہ پاکستان پیپلز پارٹی کی کرپشن اور بے حسی نے سندھ کو صدیوں پیچھے دھکیل دیا ہے، اپنی آنکھوں سے دیکھ آیا کہ سندھ کے ہسپتالوں سے بہتر تو بلوچستان کے ہسپتال ہیں، سندھ حکومت صرف پریس کانفرنس اور وفاق پر الزامات کو کارکردگی سمجھتی ہے۔ انہوںنے کہاکہ وفاقی حکومت پاکستان بھر میں مالی امداد، وینٹیلیٹرز اور ضروری سامان فراہم کر رہی ہے۔
