کراچی(این این آئی) محکمہ صحت سندھ کی جانب سے گھر گھر جاکر کورونا ٹیسٹ کرنے والا طبی عملہ بھی کورونا وائرس سے نہ بچ سکا۔بڑی تعداد میں طبی عملے کے وائرس سے متاثر ہونے کے باعث محکمہ صحت سندھ نے گھر گھر جاکر کورونا وائرس ٹیسٹ کرنے کی سہولت عارضی طور پر معطل کردی۔محکمہ صحت سندھ کی جانب سے کیے گئے ٹوئٹ میں بتایا گیا ہے کہ
گھر جاکر ٹیسٹ کرنے والا طبی عملے کی بڑی تعداد کرونا وائرس سے متاثر ہوگئی ہے جس کے باعث محکمہ صحت سندھ نے پیر کے روز تک گھر جاکر ٹیسٹ کرنے کی سہولت معطل کردی ہے۔محکمہ صحت سندھ کے مطابق نئی ٹیم کے لیے بھرتی کا سلسلہ بھی جاری ہے، جیسے ہی نئی ٹیم مکمل ہوجائے گی گھر جاکر ٹیسٹ کرنے کی سہولت کا آغاز کردیا جائے گا۔
