اسلام آباد (مانیٹرنگ ڈیسک) کورونا وائرس نے دنیا بھر میں خوف پھیلا ہوا ہے اور اس سے اموات کا سلسلہ ابھی تک جاری ہے۔ بعض لوگ تو صرف کورونا وائرس کے خوف کی وجہ سے نفسیاتی بیماریوں میں مبتلا ہو رہے ہیں، حتیٰ کہ اس سے ڈاکٹرز، نرسز اور پیرامیڈیکل سٹاف بھی فرنٹ لائن پر ہونے کی وجہ سے متاثر ہے۔ پاکستان میں ڈاکٹرز اور دیگر پیرامیڈیکل سٹاف کورونا کے مریضوں کی خدمت میں مصروف ہے
لیکن بعض علاقوں میں ڈاکٹرز اور دیگر سٹاف کی حوصلہ افزائی نہیں کی جا رہی ہے جو اپنے پیشے سے مخلص ہیں اور انسانیت کا درد رکھتے ہیں وہ ڈاکٹر تو دن رات ایک کئے ہوئے ہیں، سوشل میڈیا پر ایک تصویر وائرل ہے جس میں ایک ڈاکٹر آکسیجن سلنڈر اٹھا کر سیڑھیاں چڑھ رہے ہیں، یہ ڈاکٹر سیدو شریف ٹیچنگ ہسپتال کے کنسلٹنٹ یورولوجسٹ ڈاکٹر نور الحیات خان (ایف سی پی ایس، ایف آر سی پی ایس ”یو کے“) ہیں۔ یہ باہمت ڈاکٹر آکسیجن کا سلنڈر خود اٹھا کر لا رہے ہیں تاکہ آکسیجن سلنڈر وافر مقدار میں موجود ہوں اور کورونا سے متاثرہ مریض کے علاج میں کوئی رکاوٹ نہ آ سکے۔ اللہ پاک ایسے باہمت، فرض شناس اور خدمت گزار ڈاکٹرز اور پیرامیڈیکل سٹاف کو اپنی حفاظت میں رکھیں، کیونکہ ایسے لوگ ہی ہمارا قیمتی سرمایہ ہیں۔ واضح رہے کہ کورونا کے خلاف کراچی کے نجی اسپتالوں کی کارکردگی پر محکمہ صحت نے رپورٹ جاری کر دی۔محکمہ صحت کی رپورٹ کے مطابق کراچی کے17نجی اسپتالوں میں 1075 مریض داخل ہوئے جن میں سے 240 جاں بحق ہوگئے۔رپورٹ کے مطابق17میں سے 12 نجی اسپتالوں میں 343 مریض صحتیاب ہوئے، کراچی کے 13 نجی اسپتالوں میں ابھی بھی 492 مریض داخل ہیں۔نجی اسپتالوں میں داخل 307 مریضوں کی حالت بہتر ہے جبکہ 64 افراد آئی سی یو اور 20 وینٹی لیٹر پر ہیں۔حکام محکمہ صحت کے مطابق کورونا سے متعلق نجی اسپتالوں کی کارکردگی رپورٹ 24 گھنٹے پہلے وزیراعلی سندھ کو پیش کر دی گئی ہے۔
