لاہور (آن لائن) نیب لاہور نے پاکستان مسلم لیگ (ن) پنجاب کے صدر اور رکن قومی اسمبلی رانا ثناء اللہ کے خلاف آمدن سے زائد اثاثہ جات انکوائری کو تحقیقات میں تبدیل کر کی منظوری دے دی ہے، یہ منظوری نیب لاہور کے ریجنل ڈائریکٹر کے ایک اجلاس میں دی گئی جس میں نیب لاہور کے تمام ڈائریکٹروں
نے شرکت کی، اجلاس میں مختلف میگا کرپشن کے اہم مقدمات کا جائزہ لیا گیا، ذرائع کے مطابق نیب لاہور کا دعویٰ ہے کہ اس نے رانا ثناء اللہ کے 40 کروڑ روپے مالیت سے زائد اثاثہ جات کے شواہد اکٹھے کر لئے ہیں جبکہ تحقیقات میں رانا ثناء اللہ کی جائیداد سے متعلق اہم انکشافات سامنے آئیں گے۔
