کراچی (این این آئی) کراچی میں قومی ایئر لائن پی آئی اے کی پرواز کو پیش آنے والے حادثے کی جگہ پر ایک شخص نے وہاں موجود تمام افراد کو مفت چائے پلائی۔ ایک بیان میں چائے بیچنے والے شخص نے کہا کہ اْس نے جائے وقوعہ پر موجود تمام افراد کو مفت چائے پلائی۔اس کے علاوہ ملبہ اْٹھانے میں مصروف عملے اور تعینات پولیس اہلکاروں میں

بھی چائے تقسیم کی۔چائے فروش نے اپنے ایک بیان میں کہا کہ میں اپنی حیثیت کے مطابق جتنا کر سکتا ہوں کر رہا ہوں، ہر فرد کو نیک کام میں اپنا حصہ ڈالنا چاہیے۔انہوں نے کہا کہ مجھے یہ کام کرتا دیکھ کر علاقہ کے لوگ بھی میری مدد کر رہے ہیں۔چائے فروش نے بتایا کہ حادثے کے دوسرے دن سے لوگوں کو مفت چائے پلا رہا ہوں۔