اسلام آباد (این این آئی)وفاقی وزیر اطلاعات و نشریات سینیٹر شبلی فراز نے کہا ہے کہ پوری قوم جانتی ہے شوگر مافیا کا سب سے بڑا سرغنہ شریف خاندان ہے،دولت کی ہوس شریف خاندان کی سیاست کا محور رہا جس کیلئے انہوںنے اداروں کابے دری سے استعمال کیا ،عمران خان کی سیاست غریب عوام کے حقوق کیلئے ہے۔ ٹوئٹر پر اپنے بیان میں سینیٹر شبلی فراز نے کہاکہ
پوری قوم جانتی ہے کہ شوگر مافیا کا سب سے بڑا سرغنہ شریف خاندان ہے۔اانہوںنے کہاکہ انہوں نے سیاست کو کاروبار کیلئے استعمال کیا۔ وفاقی وزیر نے کہاکہ دولت کی ہوس ان کی سیاست کا محور رہا جس کیلئے انہوں نے اداروں کا بے دردی سے استعمال کیا۔ انہوںنے کہاکہ عمران خان کی سیاست غریب عوام کے حقوق کیلئے ہے،شریف مافیا نے ہمیشہ عوام کا استحصال کیا۔
