راولپنڈی (این این آئی)وفاقی وزیر ر یلوے شیخ رشید احمد نے کہا ہے کہ شہبازشر ریف کا نام ای سی ایل میں جارہا ہے،31جولائی تک جھاڑو پھرجائیگا،آٹا چینی اسکینڈل میں جوبھی ملوث ہو گا بچ نہیں پائے گا، جب تک عمران خان ساتھ ہے بزدار کو کوئی خطرہ نہیں۔ بدھ کو وفاقی وزیر شیخ رشید احمد نے میڈیا سے گفتگو کرتے ہوئے کہاکہ الحمد اللہ،اللہ تعالیٰ کے فضل وکرم سے 30 مسافر ٹرینیں چل پڑی ہیں،

تمام صوبوں اور انکے وزرائے اعلی کے تعاون ہر ان کو مشکور ہوں،آن لائن بکنگ 24 گھنٹے پہلے بند کر نا غلطی ہے،بہت سے کوگوں کو آن لائن بکنگ کا پتہ نہیں۔انہوں نے کہاکہ تمام ڈی ایس کو مبارک باد دیتا ہوں جنھوں نے کرونا وباء سے نمٹنے کے لئے بھرپور حفاظتی انتظامات کئے۔ انہوں نے کہاکہ جمعرات کو ملتان جاؤں گا اسکے بعد دیگر اسٹیشنز پر بھی انتظانات کا جائزہ لوں گا۔ انہوں نے کہاکہ کرونا ایس او پی کے تحت ہم نے 60 فیصد مسافروں کی بکنگ کی ہے،کرونا اگر اے سی سے پھیلنے کا خدشہ ہوتا تو جہاز میں زیادہ ہوتا،ٹرین اے سی میں بھی کوئی خطرہ نہیں،ٹرینیں چلانے کیلئے سندھ حکومت نے ٹی وی ہر اعتراض کیا مگر عملی طور ہر نہیں،ریلوے خسارہ کے باوجود ٹرینیں چلا کر عوام کی خدمت کر رہے ہیں،کوئی کاروبار نہیں۔ انہوں نے کہاکہ جب تک وزیراعلیٰ پنجاب بزدار کے ساتھ عمران خان ہیں کارکردگی ہے۔ انہوں نے کہاکہ میں پہلے ہی کہہ چکا ہوں کہ 31 جولائی تک جھاڑو پھرے گا۔ انہوں نے کہاکہ میں کوئی منتری یا پامسٹ نہیں مجھے مارجن دیں،شہباز شریف کو پتہ ہے کہ اسکا نام بلیک لسٹ ای سی ایل میں جارہا ہے مگر وہ ٹارزن بن رہا ہے۔ انہوں نے کہاکہ آٹا چینی اسکینڈل میں جوبھی ملوث ہو گا بچ نہیں پائے گا۔ انہوں نے کہاکہ آئی پی پی مذاکرات کے لئے سب کمیٹی قائم کردی گئی ہے۔

موضوعات:شہباز شریف کے ساتھ کیا ہونے والا ہے