اسلام آباد(اے این این )بیرون ملک پاکستانیوں اور پاکستان میں پھنسے ہوئے غیر ملکیوں کی وطن واپسی کے لیے حکومتی اقدامات کے تحت  غیر ملکی خصوصی پروازوں کو  پاکستان میں لینڈ کرنے کی اجازت دے دی گئی۔سول ایوی ایشن اتھارٹی(سی اے اے)کو قطر ائیر کی جانب سے اسلام آباد اور ملتان ائیرپورٹ پر لینڈنگ کے لیے درخواست دی گئی تھی جسے منظور کرلیا گیا۔ سول ایوی ایشن حکام

کیمطابق قطر ائیرلائن کی تین خصوصی پروازیں 26 اور 27 مئی کو دوحہ سے ملتان اور اسلام آباد آئیں گی جو واپسی پر قطر اور دیگر ممالک جانے والے مسافروں کو لے کر جائیں گی۔اس دوران قطر سے پاکستان پہنچنے والیخصوصی طیاروں کے عملیکو جہاز سے اترنے کی اجازت نہیں ہوگی۔حکام کا کہنا ہے کہ سعودی ائیرلائن کی ایک خصوصی پرواز بھی آج جدہ سے 250 پاکستانیوں لیکر ملتان پہنچے گی۔خیال رہے کہ ملک میں کورونا وائرس کی صورتحال کے پیش نظر  بیرون ملک فلائٹ آپریشنز معطل ہیں، صرف خصوصی پروازوں کے ذریعے بیرون ملک پھنسے پاکستانیوں اور پاکستان میں پھنسے غیر ملکیوں کو وطن واپس لایا اور بھیجا جا رہا ہے