اسلام آباد(این این آئی) سپریم کورٹ نے کرنل (ر)انعام الرحیم کی رہائی کیخلاف حکومتی اپیل پر سماعت کے دور ان حکومت جواب جمع کروانے کیلئے عید تک مہلت دیدی ۔ جسٹس مشیر عالم کی سربراہی میں دو رکنی بینچ نے کیس کی سماعت کی۔ اٹارنی جنرل نے کہاکہ کرنل ریٹائرڈ انعام الرحیم کی جانب سے
اضافی دستاویزات جمع کروائی گئی ہیں، اضافی دستاویزات پر جواب جمع کروانے کے لیے وقت درکار ہے۔ عدالت نے حکومت کو جواب جمع کروانے کے لیے عید تک مہلت دے دی۔ عدالت نے کہاکہ مقدمے کو عید کے بعد تین رکنی بینچ سنے گا۔ بعد ازاں کیس کی سماعت عید کے بعد تک ملتوی کر دی گئی ۔
