نوشہرہ /پشاور (این این آئی)نوشہرہ میں کورونا وائرس سے متاثرہ خیبر پختونخوا پولیس کا اہلکار انتقال کرگیا۔ڈپٹی کمشنر نوشہرہ شاہدعلی خان کے مطابق 36 سالہ کانسٹیبل فہیم پشاورکے ہسپتال میں زیرعلاج تھا،اس کی میت ضابطہ کار کے تحت آبائی علاقے بھجوادی گئی ۔
خیبر پختونخوا پولیس کے مطابق کانسٹیبل فہیم چارسدہ کا رہائشی تھا اور بم ڈسپوزل یونٹ نوشہرہ میں ڈیوٹی سرانجام دے رہا تھا۔انسپکٹر جنرل خیبر پختونخوا ثنا اللہ عباسی نے بتایا کہ شہید اہلکار فہیم کو پولیس سیلوٹ پیش کرتی ہے، شہید اہلکارکورونا کے خلاف فرنٹ لائن پر جنگ لڑ رہا تھا۔
