لاہور (آن لائن) وزیراعلیٰ پنجاب سردار عثمان بزدار نے پنجاب کی صوبائی کابینہ میں شامل چھ صوبائی وزراء کو تبدیل کرنے کے لئے تیاریاں مکمل کر لی ہیں۔ اس سلسلے میں ذرائع کا کہنا ہے کہ کارکردگی کی بنیاد پر تبدیل کیے جانے والے صوبائی وزراء کو تین مختلف مراحل میں تبدیل کیا جائے گا۔
مذکورہ وزراء کی تبدیلیوں کا فیصلہ ہو چکا ہے جبکہ وزیراعلیٰ پنجاب اس حوالے سے حتمی منظوری لینے کے لئے وزیراعظم عمران خان سے آئندہ ایک دو روز میں ملاقات کریں گے۔ یہ بھی بتایا گیا ہے کہ ناقص کارکردگی کی بنیاد پر مذکورہ چھ وزراء کے تبادلوں کا معاملہ گزشتہ ایک سال سے لٹک رہا تھا۔
