سرگودہا(این این آئی)سرگودھا ضلع میں کورونا وائرس کے مشتبہ 1155مریضوں کی سیکریننگ مکمل ہونے پر 210 کا رزلٹ پازیٹو اور 822 کوکلیئر قرار دے کر گھروں کو بجھوا دیا گیا جبکہ 43 پازیٹو مریض صحت یاب ہوئے جبکہ انتظامیہ نے صرف ایک موت کی تصدیق کر دی۔زرائع کے مطابق چیف ایگزیکٹو ہیلتھ اتھارٹی ڈاکٹر رائے سمیع اللہ نے کورونا وائرس کی صورتحال کے بارے بتایاکہ
سرگودھا ضلع میں 1155 مشتبہ افراد رپورٹ ہوئے جن کی سکریننگ مکمل ہونے پر 210 پازٹیو کیسز رپورٹ ہوئے ہیں جبکہ 822 کو کلیئر ہونے پر گھروں میں بھیج دیا گیااور 43پازیٹو مریض صحت یاب ہو چکے ہیں اوراب تک کورونا کے باعث صرف ایک مریض ربنواز کی موت ہوئی ہے۔انہوں نے بتایاکہ ضلع میں 494 مشتبہ تبلیغی ارکان میں سے 128 کا پازیٹو پایا گیا جن میں پندرہ صحت یاب ہو چکے ہیں۔اسی ضلع سرگودھا میں 239زائرین میں سے 47کنفرم پائے گئے اور 102 زائرین کو ڈسچارج کر دیا گیاجبکہ 24صحت یاب ہو چکے ہیں۔ انہوں نے بتایا کہ بیرونی ممالک سے آئے پاکستانی اور مقامی 422 افراد میں سے35میں کورونا پازیٹو پایاگیا جن میں سے چار صحت یاب ہو چکے ہیں اور صرف ایک مریض ربنواز کی موت واقع ہوئی ہے۔ انہوں نے بتایا کہ ضلع میں گورنمنٹ ٹی بی ہسپتال ائسولیشن سنٹر میں 80بیڈز کے انتہائی نگہداشت یونٹ کے علاوہ تین فیلڈ ہسپتال قائم ہیں جن میں رائے میڈیکل کالج میں 120 بیڈز کورونا مریضوں کیلئے مختص اور 73 مریض زیر علاج ہیں جبکہ سرگودہا یونیورسٹی میڈیکل کالج میں سو بیڈز اور نجی نیازی میڈیکل کالج میں پچاس بیڈز مختص ہیں جن میں ضرورت پڑنے پر بیڈز کی تعداد بڑھائی جاسکتی ہے۔انہوں نے بتایاکہ ضلع میں طبی عملہ کی کوئی کمی نہیں اور تعداد کے مقابلے میں کئی گنا زیادہ حفاظتی سامان اور ادویات موجود ہیں۔ اسی طرح سرگودھا شہر میں گورنمنٹ زرعی کالج میں 228بیڈز کا قرنطینہ بھی فعال ہے۔
