اسلام آباد( آن لائن) اسپیکر قومی اسمبلی اسد قیصر کا بھی کورونا ٹیسٹ مثبت آگیا،سماجی رابطے کی ویب سائیٹ ٹویٹر پر اپنے پیغام میں انہوں نے کہا ہے کہ میرا کورونا ٹیسٹ مثبت آیا ہے، میں نے خود کواپنے گھرمیں قرنطینہ کرلیاہے،میرے بیٹے اور بیٹی کا بھی کرونا ٹیسٹ مثبت آیا ہے۔اسپیکر قومی اسمبلی اسد قیصر نے کہا کہ پوری قوم سے درخواست ہے کہ احتیاط کریں اور ساتھ ہی میری صحتیابی کیلئے بھی دعا کریں۔
واضح رہے کہ کہ گزشتہ دنوں گورنر سندھ عمران اسماعیل کا کورونا ٹیسٹ بھی مثبت آیا تھا۔چیئر مین سینیٹ صادق سنجرانی کا سپیکر قومی اسمبلی اسد قیصر کو ٹیلی فون، کورونا ٹیسٹ مثبت آنے کے بعد اسد قیصر اور ان کے اہلخانے کی خیریت دریافت کی اور جلد صحت یابی کے لئے دعا بھی کی۔ تفصیلات کے مطابق چیئر مین سینیٹ صادق سجرانی نے سپیکر قومی اسمبلی اسد قیصر سے ٹیلی فونک رابطہ کیا ہے چیئر مین سینیٹ نے کورونا ٹیسٹ مثبت آنے پر سپیکر قومی اسمبلی اسد قیصر سے ان کی اور ان کے اہلخانہ کیخیریت دریافت کی ، صادق سنجرانی نے اسد قیصر کی جلد صحت یابی کے لئے دعا کی جبکہ سپیکر قومی اسمبلی اسد قیصر نے خیریت دریافت کرنے پر چیئر مین سینیٹ صادق سنجرانی کا شکریہ ادا کیا، واضح رہے کہ گزشتہ روز سپیکر قومی اسمبلی اسد قیصر ان کی بیٹی اور بیٹے کا کورونا مثبت آ گیا تھا جس کے بعد انہوں نے خود کو اپنی رہائش گاہ پر قرنطینہ کر لیا ہے اور عوام کو احتیاط برتنے کی درخواست کے ساتھ ساتھ ان کی صحت یابی کے لئے دعا کی بھی اپیل کی ۔
