مظفرآباد(این این آئی) آزادکشمیر میں گزشتہ چوبیس گھنٹے کے دوران کرونا کا کوئی نیا کیس سامنے نہیں آیا جبکہ مزید46نئے افراد کے کرونا کے شبہ میں ٹیسٹ لیے گئے۔محکمہ صحت عامہ آزادحکومت ریاست جموں وکشمیر کی جانب سے جاری رپورٹ کے مطابق
آزادکشمیر میں اب تک کرونا وائرس کے ممکنہ کیسز میں کل1275 افراد کے ٹیسٹ لیے گئے جن میں سے1232 کے رزلٹ آچکے ہیں اور 48افراد میں کرونا وائرس کی موجودگی پائی گئی ہے جن میں سے9صحت یاب ہو چکے ہیں،ڈی ایچ کیو راولاکوٹ سے ایک،ڈی ایچ کیو بھمبر سے پانچ جبکہ ڈی ایچ کیو میرپور سے تین مریض صحت یاب ہوئے۔ کرونا کے 39مریضوں میں سے 09افراد نیوسٹی ہسپتال میرپور، 10ڈسٹرکٹ ہیڈ کوارٹر ہسپتال بھمبر،01ڈی ایچ کیو ہسپتال کوٹلی، 08 سی ایم ایچ راولاکوٹ، 07پلندری اور01 آئسو لیشن ہسپتال مظفرآباداور3تحصیل ہیڈ کوارٹر ہسپتال ڈڈیال میرپور میں زیر رعلاج ہیں۔ 1184افراد میں کرونا وائرس کی موجودگی نہیں پائی گئی اور43افراد کے ٹیسٹ کے رزلٹ آنا باقی ہیں۔نئے افراد کے کرونا کے ممکنہ کیسز کے حوالہ سے لیے گے ٹیسٹ کی رپورٹ ایک دو روز میں آجائے گی۔ رپورٹ کے مطابق تمام اضلاع میں 60قرنطینہ سینٹرز قائم کیے گئے ہیں۔ تمام انٹری پوائنٹس پر محکمہ صحت کا عملہ موجود ہے جو ہمہ وقت مسافروں کی سکریننگ کررہا ہے۔یورالوجی لیب عباس انسٹی ٹیوٹ آف میڈیکل سائنسز، ڈویڑنل ہیڈکوارٹر ہسپتال میرپوراور سی ایم ایچ راولاکوٹ میں پی سی آر ٹیسٹنگ ہو رہی ہے۔
