اسلام آباد (این این آئی)معاون خصوصی برائے صحت ڈاکٹر ظفر مرزا نے کہا ہے کہ یہ کہنا قبل از وقت ہوگا کہ کراچی میں اموات کورونا وائرس کی وجہ سے ہوئی،پاکستان میں اب تک 10 لاکھ ٹیسٹ کی صلاحیت موجود ہے،روزانہ 20 ہزار تک ٹیسٹ کیے جائیں گے،کنفرم کیسز کی تعداد 7025 ہوچکی ہے،44افراد وینٹی لیٹر پر ہیں۔ جمعہ کو معاون خصوصی برائے صحت ڈاکٹر ظفر مرزا نے میڈیا کو بریفنگ دیتے ہوئے کہاکہ یہ کہنا قبل از وقت ہوگا کہ کراچی میں اموات کورونا وائرس کی وجہ سے ہوئی۔

ظفر مرز انے کہاکہ پاکستان میں بتدریج ٹیسٹ کرنے کی صلاحیت بڑھ رہی ہے،24 گھنٹوں میں 6264 ٹیسٹ کیے ہیں جو اب تک سب سے زیادہ ہے،پاکستان میں اب تک 10 لاکھ ٹیسٹ کی صلاحیت موجود ہے،روزانہ 20 ہزار تک ٹیسٹ کیے جائیں گے،یہ ٹیسٹ نشاندہی میں مدد دیں گے کہ لوگوں میں کورونا وائرس ہے کہ نہیں،اسی حکمت عملی سے ہم اس وباء کو پھیلنے سے روکا جاسکے گا۔انہوں نے کہاکہ ٹریسنگ، کونٹیکٹنگ کے نام سے ایک اور پالیسی متعارف کروا رہے ہیں،یہ اموات 22 لاکھ لوگوں میں پھیل چکی 1.47 لاکھ وفات ہوئی ہیں،5 لاکھ 53 ہزار افراد صحت یاب ہوچکے ہیں،پاکستان میں 497 افراد نئے سامنے آئے ہیں،کنفرم کیسز کی تعداد 7025 ہوچکی ہے،گزشتہ 24 گھنٹوں میں 340 سندھ اور 59 پنجاب اور 58 خیبر پختونخواہ میں رپورٹ ہوئے،پاکستان میں بھی اب تک مکمل ہونے والے افراد کی تعداد 1765 ہوچکی ہے،اب پاکستان میں 60 فیصد پھیلاؤ مقامی سطح پر ہورہا ہے،24 گھنٹوں میں 11 اموات مجموعی تعداد 135 ہوچکی ہے،اب تک مْلک میں 44 افراد ایسے ہیں جو وینٹی لیٹر پر ہیں۔ انہوں نے کہاکہ عالمی سطح پر شرح 6.7 فیصد پاکستان میں 1.9 فیصد شرح مرض ہے،رمضان اس وقت آرہا ہے جب وبا پھیلی ہوئی ہے اس حوالے سے قومی سطح پر ایک ہدایت نامہ مرتب کیا جارہا ہے،پاکستان کے اندر سے بہت لوگوں کی رقوم اود ادویات کی صورت میں امداد پہنچ رہی ہے،ہماری قوم کا خاصا ہے ہم ایسے حالات میں یکجاء ہوجاتے ہیں،پاکستان سے باہر میڈیکل کمیونٹی کی طرف سے بھی مْلک میں کورونا کے حوالے سے مدد کرنا چاہتے ہیں،پاکستان کے 30 ہزاد سے زائد ڈاکٹرز پوری دنیا میں خدمات سرانجام دے رہے ہیں،اس حوالے سے یارانے وطن کے نام سے ایک پلیٹ فارم کا آغاز کیا جارہا ہے۔