لاہور(این این آئی) صوبائی وزیراوقاف سید سعید الحسن شاہ نے کہا ہے کہ حکومت پنجاب کورونا کو شکست دینے کے لیے ٹھوس منصوبہ بندی کے ساتھ پائیدار اقدامات اُٹھا ئے ہوئے ہے۔اس د وران کسی قسم کی معمولی سی غفلت کا مظاہرہ بھی نہیں کیا جا رہا ہے تمام عمل کی باقاعدہ مانیٹرنگ کی جا رہی ہے۔ لاک ڈائون میں چھوٹ بھی عوام کے وسیع تر مفاد کے لیے دی گئی ہے ۔ پنجاب میںوائرس کے پھیلائو کی
صورتحال کافی حد تک قابو میں ہے ۔ انہوں نے کہا کہ حکومتی اقدامات عوام کے مفاد کے لیے ہیں ۔ میڈیا نمائندگان کورونا کی جنگ میں صف اول کے سپاہی ہیں ۔ احساس کفالت پروگرام کے تحت اب تک پنجاب میںاربوں روپے کی خطیر رقم تقسیم کی جا چکی ہے۔مزید ساڑھے پانچ لاکھ خاندانوں میں فی خاندان 12000روپے کی امدادی رقوم کی تقسیم کا سلسلہ تیزی سے جاری ہے ۔ وزیر اعلیٰ پنجاب کی ہدایت پراب تک پنجاب کے مختلف اضلاع میں ڈاکٹروں کو 74 ہزار 500 سرجیکل ماسک، 31 ہزار 600گائون،9 ہزار700 این95 ماسک، 28 ہزار 300عینکیں ،70 ہزاردستانے اور3 ہزار 600سینی ٹائزرتقسیم کردئیے گئے ہیں ۔ اس کے علاوہ مختلف اداروں میں2لاکھ23ہزار500سرجیکل ماسک، 29ہزار418گائون ،59 ہزار72 این95ماسک،23 ہزار 215عینکیں ،ایک لاکھ 92 ہزار 50دستانے اور 7 ہزار 9 ہزار 37سینی ٹائزر تقسیم کر دئے گئے ہیں۔ صوبائی وزیر نے مزید بتایا کہ حکو مت پنجاب کی ہدایت پرصوبہ کے مختلف اضلاع میں 5 2 ہزار500 سے زائد راشن کے تھیلے ، 5 ہزار 500آٹے کے تھیلے اور 21 ہزار 500 صاف پانی کی بوتلیں تقسیم کی جا چکی ہیں۔
